राष्ट्रवादी काँग्रेसचे राष्ट्रीय अध्यक्ष शरद पवार यांच्या पित्ताशयावर ब्रीच कँडी हॉस्पिटलमधील डॉ. बलसरा यांनी आज एक यशस्वी लॅप्रोस्कोपी शस्त्रक्रिया केल्याची माहिती राष्ट्रवादी काँग्रेसचे राष्ट्रीय प्रवक्ते आणि अल्पसंख्याक मंत्री नवाब मलिक यांनी दिली आहे.
यशस्वी शस्त्रक्रिया
शरद पवार यांना ३० मार्चला पोटात दुखत असल्याने ब्रीच कँडी हॉस्पिटलमध्ये दाखल करण्यात आले होते. त्यावेळी त्यांच्यावर छोटीशी शस्त्रक्रिया करण्यात आली. त्यानंतर त्यांना ७ दिवस विश्रांतीचा सल्ला डॉक्टरांनी दिला होता. १५ दिवसानंतर त्यांच्या पित्ताशयावर शस्त्रक्रिया केली जाणार होती. त्यामुळे शरद पवार यांना पुढील शस्त्रक्रियेसाठी रविवारी ब्रीच कँडी रुग्णालयात दाखल करण्यात आले होते. सोमवारी त्यांच्या पित्ताशयावर यशस्वी शस्त्रक्रिया करण्यात आली असून, त्यांची प्रक्रृती स्थिर असल्याचेही नवाब मलिक यांनी सांगितले आहे.
Join Our WhatsApp Communityआदरणीय खा. @PawarSpeaks साहेबांना काल ब्रीच कँडी हॉस्पिटलमध्ये शस्त्रक्रियेसाठी दाखल करण्यात आले होते.आज सकाळी डॉक्टरांनी शस्त्रक्रिया करून पित्ताशयातील खडा काढून टाकला आहे.पवार साहेबांची तब्येत स्थिर आहे
– @NCPspeaks चे राष्ट्रीय प्रवक्ते व कॅबिनेट मंत्री ना.@nawabmalikncp साहेब pic.twitter.com/ltHimhEeZW— NCP Mumbai (@MumbaiNCP) April 12, 2021