संपूर्ण देशाला हादरवून सोडणाऱ्या श्रद्धा हत्याकांड प्रकरणी एकमागून एक नवीन धक्कादायक खुलासे समोर येत आहे. हत्या करणारा आरोपी आफताब अमीन पूनावालाची क्रूरता पाहून सर्वांच्याच हृदयाचा ठोका चुकला आहे. अशातच श्रद्धा वालकर या हिंदू मुलीचा खून सहा महिन्यांपूर्वी मे महिन्यात झाला, असा दावा पोलिसांनी या घटनेनंतर केला. तर श्रद्धाचा मित्र लक्ष्मण नाडर याने जुलै महिन्यात श्रद्धाशी संभाषण केले होते. त्यामुळे श्रद्धाचा खून नेमका कधी झाला, असा सवाल उपस्थित केला जात आहे.
समोर आलेल्या माहितीनुसार, मे महिन्यात श्रद्धा आणि आफताब हिमाचल प्रदेशात फिरायला गेले होते. तेथे काही दिवस दोघेही एकत्र होते. या दरम्यान श्रद्धाने ११ मे रोजी फेसबुकवर एक फोटो पोस्ट केला होता. या पोस्टद्वारे तिने ‘Exploring More And More Every Passing Day” असे कॅप्शन दिले होते. ती पोस्ट आता श्रद्धाची शेवटची असल्याचे सांगितले जात आहे.
(हेही वाचा – श्रद्धापेक्षा भयंकर अनुपमाची कहाणी! ७२ तुकडे केले, फ्रीजरमध्ये ठेवले आणि…)
