काँग्रेसच्या अध्यक्षा सोनिया गांधी यांच्या शासकीय निवासस्थानासह अनेक मालमत्तांचे भाडे अद्याप भरलेले नाही. यातील अनेक मालमत्ता काँग्रेसचे अन्य नेतेही वापरत आहेत. 3 सरकारी घरांवरील तब्बल 18 लाख भाडे थकीत असल्याचे एका आरटीआयच्या माहितीतून (RTI) समोर आले आहे. इतकेच नाही तर यानंतर काँग्रेस नेत्यांना लाजवेल असे कृत्य आता भाजपकडून करण्यात येणार आहे. कॉंग्रेस नेत्यांचे थकित भाडे भरण्यासाठी भाजपने देणग्या गोळा करण्याची मोहीम सुरू केली आहे. हे अभियान भाजप नेते तेजिंदर सिंग बग्गा यांनी सुरू केले आहे. त्यामुळे
कार्यकर्ते सुजित पटेल यांनी दाखल केलेल्या आरटीआयला उत्तर देताना असे समोर आले आहे की, यापैकी अनेक मालमत्तांवर भाड्याची थकबाकी आहे. केंद्रीय गृहनिर्माण आणि शहरी विकास मंत्रालयाने आरटीआयच्या उत्तरात म्हटले आहे की, अकबर रोड येथील काँग्रेस पक्षाच्या मुख्यालयाचे 12,69,902 रुपये भाडे प्रलंबित आहे आणि शेवटचे भाडे डिसेंबर 2012 मध्ये दिले गेले होते. त्याचप्रमाणे, सोनिया गांधींच्या 10 जनपथ रोडवरील निवासस्थानाचे भाडे 4,610 रुपये बाकी आहे आणि पूर्वीचे भाडे सप्टेंबर 2020 मध्ये जमा करण्यात आले होते.
सोनिया गांधी यांचे खाजगी सचिव व्हिन्सेंट जॉर्ज सध्या चाणक्यपुरी, नवी दिल्ली येथे राहत आहेत ज्यात C-ll/109 या बंगल्यासाठी रूपये 5,07,911 भाडे प्रलंबित आहे. ऑगस्ट 2013 पासून या बंगल्याचे भाडे दिलेले नाही. ज्या गृहनिर्माण नियमांनुसार राष्ट्रीय आणि राज्य राजकीय पक्षांना निवासस्थान मिळते, प्रत्येक पक्षाला त्यांचे कार्यालय स्थापन करण्यासाठी तीन वर्षांचा कालावधी दिला जातो, त्यानंतर सरकारी बंगला रिकामा करावा लागतो. काँग्रेसला जून 2010 मध्ये 9-A राऊस अव्हेन्यू येथे पक्ष कार्यालय बांधण्यासाठी जमीन देण्यात आली होती. काँग्रेस पक्षाला 2013 पर्यंत अकबर रोडचे कार्यालय आणि काही बंगले रिकामे करायचे होते, परंतु पक्षाने अद्याप तसे केलेले नाही.
(हेही वाचा – सोमय्यांवरील हल्ला महागात पडेल, चंद्रकांत पाटलांनी दिला इशारा )
जुलै 2020 मध्ये, सरकारने काँग्रेस सरचिटणीस प्रियांका गांधी वड्रा यांना त्यांचे लोधी रोडवरील निवासस्थान एका महिन्याच्या आत रिकामे करण्याची नोटीस पाठवली. सोनिया गांधींवर निशाणा साधत भाजपचे तजिंदर पाल सिंग बग्गा यांनी आरोप केला की, त्या घोटाळे करू शकत नसल्याने ते भाडे भरण्यास असमर्थ आहेत.
Sonia Gandhi ji Not able to pay her rent after losing elections. Its obvious bcz she can't do scams now but political differences aside i want to help her as a Human being. I launched a campaign #SoniaGandhiReliefFund & sent 10 Rs. to her account, I request everyone to help her pic.twitter.com/H0yQJfY5VB
— Tajinder Pal Singh Bagga (@TajinderBagga) February 10, 2022
ट्विटमध्ये ते म्हणाले की, “निवडणूक हरल्यानंतर सोनिया गांधी त्यांचे भाडे भरण्यास असमर्थ आहेत. हे उघड आहे कारण त्या आता घोटाळे करू शकत नाहीत, परंतु राजकीय मतभेद बाजूला ठेवून मी त्यांना माणूस म्हणून मदत करेन.” #SoniaGandhiReliefFund ही मोहीम सुरू केली आहे आणि या अंतर्गत तिच्या खात्यात ₹ 10 पाठवत आहे, मी प्रत्येकाने तिला मदत करण्याची विनंती करतो.” बग्गा यांनी त्यांच्याकडून अंतरिम काँग्रेस प्रमुखांच्या खात्यात हस्तांतरित केलेल्या रकमेचा स्क्रीनशॉट देखील शेअर केला.
Join Our WhatsApp Community