सलग तीन दिवसांच्या पावसाने मुंबईतील हवा सुधारली

मंगळवारपासून मुंबई, नवी मुंबई ते संपूर्ण कोकणात धो-धो बसरणा-या पावसामुळे हवेतील धूलिकणांचे प्रमाण प्रचंड प्रमाणात घटल्याचे निदर्शनास आले. मंगळवारपासून मुंबईतील हवेचा दर्जा चांगला असून, वातावरणातील पावसाच्या प्रभावाने शनिवारीही हवेची गुणवत्ता चांगलीच राहील, असे सफर या प्रणालीतून जाहीर करण्यात आले. बुधवारपासून नवी मुंबईतील बेलापूर-खारघर परिसरात दृष्टमानता अधूनमधून क्षीण दिसून येत होती. आता या भागांत दृष्टमानता पूर्ववत होत असल्याची माहिती स्थानिक रहिवाशांनी दिली.