‘विद्या – सपनो की उडान’ हा शिक्षणावर आधारित हिंदी चित्रपट (Hindi Film) उत्तराखंडमध्ये चित्रित करण्यात आला आहे. याचा प्रीमियर शो २३ फेब्रुवारी रोजी पीव्हीआर सिनेमा, सेंट्रीओ मॉल, डेहराडून येथे आयोजित करण्यात आला होता. यावेळी प्रमुख पाहुणे म्हणून उत्तराखंडचे उच्च शिक्षण मंत्री डॉ. धनसिंग रावत, विशेष पाहुणे, चित्रपट निर्माता आणि संपादक अनिर्बान धर आणि इतर मान्यवर उपस्थितीत होते.
या चित्रपटात अभिनेता सुशांत खंडया, एकता तिवारी, कृती, भावना रोकडे यांच्यासह बॉलिवूड आणि उत्तराखंडमधील कलाकार सतीश शर्मा, शैल शिवराम, मानसी मिश्रा, जयती, राजन तिवारी, पल्लवी पाठक, दीपक बुंगवाल, मनिल मेहता, विकास शिना, सुशील यादव, अमिताभ घोष, रमेश रावत, कवरदीप सिंग आणि बाल कलाकार तेजस्विनी गंगोला, यशिका आणि सरांश जयसिंघानी यांनी काम केले आहे.
चित्रपट शिक्षणाच्या थीमवर आधारित
‘विद्या – सपनो की उडान’ या चित्रपटाचे चित्रीकरण चमोली जिल्ह्यातील राज जाट यात्रेचा शेवटचा थांबा असलेल्या बन गावात झाले आहे. हे एक दुर्गम आणि आव्हानात्मक क्षेत्र आहे. हा चित्रपट शिक्षणाच्या थीमवर आधारित आहे आणि या प्रदेशात शाळा सुरु होण्याच्या प्रेरणादायी प्रवासाचे वर्णन (Hindi Film) या चित्रपटात करण्यात आले आहे. भौगोलिक परिस्थितीमुळे, या भागात शैक्षणिक संस्थांचा अभाव आहे, ज्यामुळे मुले शिक्षणापासून वंचित राहतात.
गावातील काही मुले शिक्षणासाठी इतरत्र कसे जातात हे या कथेत अधोरेखित केले आहे. शिक्षणाच्या परिवर्तनकारी शक्तीची जाणीव झाल्याने, ते त्यांच्या मातृभूमीकडे भावनिकरित्या ओढले जातात. त्यांची नैतिक जबाबदारी समजून ते त्यांच्या गावात शिक्षणाची गंगा आणण्याचा निर्णय घेतात. शाळा सुरू करताना त्यांना अनेक आव्हानांना तोंड द्यावे लागते, ज्यामध्ये प्रशासन आणि लोकप्रतिनिधींशी व्यवहार करणे आणि काही घटकांच्या विरोधावर मात करणे यांचा समावेश आहे.
चित्रपटाचे शिक्षणमंत्री डॉ. धनसिंग रावत यांनी केले कौतुक
सरकारी उपक्रमांची योग्य अंमलबजावणी केल्यास उल्लेखनीय परिणाम मिळू शकतात, यावर हा (Hindi Film) चित्रपट भर देतो. प्रीमियरमधील प्रमुख पाहुणे डॉ. धनसिंग रावत यांनी चित्रपटाचे कौतुक केले. हा एक उत्तम प्रकारे बनवलेला चित्रपट आहे, जो शिक्षणाचे महत्त्व अधोरेखित करतो. चमोली जिल्ह्यातील बान गावाची कहाणी समोर आणल्याबद्दल मी कलाकार, निर्माते आणि दिग्दर्शकासह संपूर्ण टीमचे मनापासून अभिनंदन करतो. दिग्दर्शक संजीव दास यांनी जाहीर केले की, हा चित्रपट पुढील शुक्रवारी उत्तराखंड आणि उत्तर प्रदेशातील चित्रपटगृहांमध्ये प्रदर्शित होणार आहे. त्यांनी सांगितले की, हा चित्रपट उत्तराखंड माहिती आणि जनसंपर्क विभाग आणि चित्रपट विकास परिषदेच्या मान्यतेने बनवण्यात आला आहे, ज्यामध्ये बन गावातील स्थानिक समुदायानेही महत्त्वपूर्ण सहकार्य केले आहे. गावातील मनमोहक नैसर्गिक सौंदर्य चित्रपटाला अधिक आकर्षक बनवते.
या (Hindi Film) चित्रपटाच्या निर्मितीमध्ये सहयोगी दिग्दर्शक विजय तिवारी, संगीत दिग्दर्शक नवीन शिवराम, कॅमेरामन हर्ष शर्मा, निर्मिती नियंत्रक शीनु कौर, गीतकार विराट भट्ट, संपादक विकास सिंह आणि कला दिग्दर्शक अपूर्व बॅनर्जी यांनी योगदान दिले आहे. प्रीमियरला विश्व हिंदू परिषद कोकण प्रांताचे मुख्य प्रचार अधिकारी नरेंद्र मजुमदार, हिंदुस्थान पोस्ट मीडिया हाऊसचे संस्थापक आणि संपादक स्वप्नील सावरकर, स्वातंत्र्यवीर सावरकर राष्ट्रीय स्मारकाचे कार्यवाह राजेंद्र वराडकर आणि दिग्दर्शक, छायांकनकार आणि मीडिया आणि ध्वनिक सल्लागार संजीव दास उपस्थित होते. या प्रसंगी, रिअल कॅलिबर प्रॉडक्शनचे चित्रपट निर्माते तेजोराज पटवाल आणि वेंकट पुंडीर आणि कार्यकारी निर्माता सुदीप जुगरन हे देखील उपस्थित होते.
Join Our WhatsApp Community