- ऋजुता लुकतुके
इंडोनेशियात जकार्ता इथं सुरू असलेल्या ऑलिम्पिकसाठीच्या पात्रता स्पर्धेत भारतीय नेमबाजांनी आपल्या कामगिरीतील सातत्य तिसऱ्या दिवशीही कायम ठेवलं. १० मीटर एअर रायफल प्रकारात भारताला एक सुवर्ण आणि एक रौप्य पदक मिळालं. ज्युनिअर गटात विश्वविजेती असलेली नॅन्सी आता सीनिअर गटासाठीही तयार झाल्याचं तिने दाखवून दिलं. (Asian Shooting Qualifiers)
महिलांच्या १० मीटर एअर रायफल प्रकारात २५२.८ गुणांची कमाई करत तिने सुवर्ण आपल्या नावावर केलं. विशेष म्हणजे सुवर्णासाठी दोन भारतीयांमध्येच चुरस होती. नॅन्सीची साथीदार इलावेनिल २५२.७ गुणांवर राहिली. आणि थोडक्यात तिचं सुवर्ण हुकलं. (Asian Shooting Qualifiers)
Gold🥇 Silver🥈! Incredible double podium finish yet again as Nancy (right) & @elavalarivan finish 1-2 in women’s air rifle at the #AsianOlympicQualification in Jakarta 🇮🇩 . Stunning shooting!🔥🔥🇮🇳🇮🇳#IndianShooting pic.twitter.com/btKfe6CzB8
— NRAI (@OfficialNRAI) January 10, 2024
खरंतर एअर रायफल प्रकारात भारताला तीनही पदकं जिंकण्याची संधी होती. पण, मेहुली गोष चौथ्या क्रमांकावर राहिली. चीनची शेन युफान कांस्य पदकाची मानकरी ठरली. (Asian Shooting Qualifiers)
(हेही वाचा – ICC Test Ranking : आयसीसी कसोटी क्रमवारीत जसप्रीत बुमरा आणि विराट कोहलीची आगेकूच)
पुरुषांच्या १० मीटर एअर रायफल प्रकारात भारताच्या रुद्राक्ष पाटीलला कांस्य पदकावर समाधान मानावं लागलं. २२८.७ गुणांसह तो तिसरा आला. चीनचा मा सिहान २५१.४ गुणांसह अव्वल आला. (Asian Shooting Qualifiers)
Another medal for 🇮🇳 as @RudrankkshP wins 🥉 in the men’s 10m Air Rifle at the #AsianOlympicQualification Rifle/Pistol in Jakarta 🇮🇩 Well shot lad👏🔥#IndianShooting pic.twitter.com/cKin7rs0Gn
— NRAI (@OfficialNRAI) January 10, 2024
नॅन्सीला मिळालेलं सुवर्ण हे भारताला या स्पर्धेत आतापर्यंत मिळालेलं सातवं सुवर्ण होतं. तर भारताला मिळालेल्या एकूण पदकांची संख्या आता १२ झाली आहे. नॅन्सी, इलावेनिल आणि रुंद्राक्षही भारताचे उगवते नेमबाज म्हणून ओळखले जातात. (Asian Shooting Qualifiers)
हेही पहा –
Join Our WhatsApp Community