BCCI Code of Conduct : खेळाडूंच्या विरोधानंतरही बीसीसीआय परदेश दौऱ्यातील आचारसंहितेवर ठाम

• ऋजुता लुकतुके

ऑस्ट्रेलिया दौऱ्यातील पराभवानंतर बीसीसीआयने खेळाडूंना परदेश दौऱ्यात नेमक्या काय सुविधा मिळणार आणि त्यांनी कोणते नियम पाळावेत याविषयी एक आचारसंहिताच आणली आहे. यात एक महत्त्वाचं कलम आहे ते पत्नी व कुटुंबीयांना दौऱ्यावर घेऊन जाण्याविषयी. ४५ दिवसांच्या परदेश दौऱ्यात १५ दिवस आणि ३० दिवसांच्या दौऱ्यावर फक्त ७ दिवस खेळाडूंना आपल्या कुटुंबीयांना बरोबर घेऊन जाता येईल असं बीसीसीआयचा नवीन नियम सांगतो. पण, खेळाडूंचा त्याला विरोध आहे. अलीकडेच विराट कोहलीनेही त्याविषयी प्रतिकूल मत व्यक्त केलं आहे. पण, बीसीसीआयने याविषयी ठाम भूमिका घेतल्याचं समजतंय. (BCCI Code of Conduct)

परदेशी दौऱ्यांवर कुटुंबांना जास्त काळ सोबत ठेवण्याची मागणी बीसीसीआयने फेटाळून लावली आहे. बीसीसीआयचे सचिव देवजीत सैकिया यांनी क्रिकबझला सांगितले की, सध्याचे धोरण कायम राहील. हे देशासाठी आणि आपल्या संघटनेसाठी बीसीसीआयसाठी महत्त्वाचे आहे. १६ मार्च रोजी विराट कोहली कुटुंबाला जास्त काळ एकत्र ठेवण्याबद्दल बोलला होता. तो म्हणाला, कुटुंबातील सदस्य कठीण काळातून जाणाऱ्या खेळाडूंना संतुलन आणतात. कोहलीच्या विधानाचे माजी भारतीय कर्णधार कपिल देव यांनीही समर्थन केले. (BCCI Code of Conduct)

(हेही वाचा – मध्य रेल्वेचा अनोखा उपक्रम; AC Local Task Force द्वारे तक्रारींचे १०० टक्के निराकरण होणार)

बीसीसीआयच्या सचिवांनी सांगितले की, या प्रकरणात कोणताही बदल औपचारिक प्रक्रियेद्वारेच विचारात घेतला जाईल. परदेशी दौऱ्यांदरम्यान खेळाडूंसह कुटुंबियांच्या राहण्याच्या कालावधीत वाढ करण्यात आली आहे. परंतु हे काही विशिष्ट परिस्थितीतच शिथिल केले जाईल. ऑस्ट्रेलियातील बॉर्डर-गावस्कर करंडकातील राभवानंतर, बीसीसीआयने १० नवीन नियम जारी केले होते. यामध्ये परदेशी दौऱ्यांदरम्यान कामाच्या कालावधीसाठी कुटुंबातील सदस्यांची उपस्थिती समाविष्ट होती. (BCCI Code of Conduct)

४५ दिवसांपेक्षा जास्त कालावधीच्या दौऱ्यात, क्रिकेटपटू त्यांच्या कुटुंबियांना जास्तीत जास्त १४ दिवसांसाठी सोबत ठेवू शकतात. ४५ दिवसांपेक्षा कमी कालावधीच्या दौऱ्यांवर, खेळाडू त्यांच्या कुटुंबियांना जास्तीत जास्त एक आठवडा सोबत ठेवू शकतात. बोर्डाचे सचिव सैकिया यांनी क्रिकबझला सांगितले की, बीसीसीआयचा असा विश्वास आहे की लोकांचे वेगवेगळे मत असू शकते, कारण लोकशाही व्यवस्थेत लोकांना त्यांचे विचार व्यक्त करण्याचा अधिकार आहे. (BCCI Code of Conduct)

(हेही वाचा – IPL 2025 : आयपीएलच्या उद्घाटन सोहळ्याचा कार्यक्रम आला समोर, विविध शहरांत कार्यक्रम घेण्याचा आयपीएलचा मानस)

आमचे धोरण सर्व संघ सदस्यांना – खेळाडू, प्रशिक्षक, व्यवस्थापक, सहाय्यक कर्मचारी आणि सहभागी असलेल्या सर्वांना समान रीतीने लागू होते. सर्वांचे हित लक्षात घेऊन ते राबवण्यात आले आहे. खेळाडूंसाठीचे हे नियम नवीन तयार झालेले नाहीत. सध्याचे अध्यक्ष रॉजर बिन्नींच्या काळातही हे नियम होते. आधीच्याच नियमांचा फेरआढावा घेऊन नवीन आचार संहिता तयार केल्याचं सैकिया यांनी निक्षून सांगितलं. (BCCI Code of Conduct)

आयपीएल २०२५ च्या आधी आरसीबी इनोव्हेशन लॅब इंडियन स्पोर्ट्स समिटमध्ये कठीण दौऱ्यांमध्ये कुटुंबाची भूमिका काय असते याबद्दल कोहलीला विचारण्यात आले तेव्हा तो म्हणाला, ‘बाहेर तुमच्यासोबत काहीतरी खूप कठीण घडत असताना तुमच्या कुटुंबाकडे परत येणे किती चांगले आहे हे लोकांना समजावून सांगणे खूप कठीण आहे.’ तो म्हणाला, मला वाटत नाही की लोकांना याची मोठ्या प्रमाणावर किंमत काय आहे हे समजले आहे. ज्या लोकांचे परिस्थितीवर नियंत्रण नाही त्यांना जबरदस्तीने संभाषणात आणले जाते आणि त्यांना दूर ठेवले पाहिजे असे सांगितले जाते हे मला खूप निराश करते. तर अलीकडेच माजी कर्णधार कपिल देवनेही खेळाडूंना कुटुंबीयांबरोबर घेऊन जायला परवानगी द्यावी असं मत व्यक्त केलं आहे. (BCCI Code of Conduct)

हेही पहा –