Champions Trophy 2025 : चॅम्पियन्स करंडकापूर्वी भारताने केले सराव सामने रद्द; थेट बांगलादेशविरुद्ध खेळणार

Champions Trophy 2025 : फक्त ३ संघच आपापले सराव सामने खेळणार आहेत.

31
Champions Trophy 2025 : चॅम्पियन्स करंडकापूर्वी भारताने केले सराव सामने रद्द; थेट बांगलादेशविरुद्ध खेळणार
  • ऋजुता लुकतुके

मोठ्या आयसीसी स्पर्धेपूर्वी परदेशातील वातावरणाशी जुळवून घेण्याच्या दृष्टीने सराव सामने आयोजित केले जातात. खेळपट्टी आणि तिथलं वातावरण यांची माहिती सर्व संघांना मिळावी यासाठी हे सामने असतात आणि यजमान देशासाठी प्रत्येक संघाला असे दोन सामने आयोजित करून द्यावे लागतात. तसा आयसीसीचा दंडक आहे. पण, यंदा चॅम्पियन्स करंडकापासून ही परंपरा जवळ जवळ मोडीत निघणार आहे. कारण, जवळ जवळ सगळ्याच संघांनी सरावाचे सामने नाकारले आहेत. जे संघ सध्या पाकिस्तानात आहेत तेच आपापसात सराव सामने खेळणार आहेत. (Champions Trophy 2025)

पाकिस्तान आणि संयुक्त अरब अमिराती इथं संयुक्तपणे ही स्पर्धा खेळवली जाणार आहे. १९ फेब्रुवारीपासून पाकिस्तान विरुद्ध न्यूझीलंड या सामन्याने स्पर्धेला सुरुवात होईल. बुधवारी या स्पर्धेच्या सराव सामन्यांचे वेळापत्रक जाहीर करण्यात आले आहे. १४ ते १७ फेब्रुवारी दरम्यान हे सामने होणार आहेत. पाकिस्तानने बुधवारी सराव सामन्यांसाठी ३ शाहीन संघाची (पाकिस्तान अ संघ) घोषणा केली आहे. हे संघ बांगलादेश, दक्षिण आफ्रिका आणि अफगाणिस्तानविरुद्ध सराव सामने खेळतील. (Champions Trophy 2025)

(हेही वाचा – Accident News : भरधाव कार ट्रॉलीवर आदळून भीषण अपघात; चार मित्रांचा दुर्दैवी अंत, तिघे जखमी)

भारतीय संघ आपले सर्व सामने दुबईमध्ये खेळणार आहे आणि स्पर्धेपूर्वी १५ फेब्रुवारीला संघ दुबईत पोहोचेल. त्यानंतर सराव सामने न खेळण्याचा निर्णय भारतीय संघ प्रशासनाने घेतला आहे. भारताचे सामने अफगाणिस्तान, दक्षिण आफ्रिका आणि बांगलादेशशी होणार होते. अफगाणिस्तान, दक्षिण आफ्रिका आणि बांगलादेश हे त्याचे सामने एकमेकांविरुद्ध खेळतील. अफगाणिस्तान १६ फेब्रुवारी रोजी न्यूझीलंडविरुद्ध सराव सामनाही खेळेल. (Champions Trophy 2025)

चॅम्पियन्स करंडकापूर्वी दोन्ही संघांच्या तयारीचा हा शेवटचा टप्पा असेल. दक्षिण आफ्रिका आणि न्यूझीलंड आधीच पाकिस्तानमध्ये आहेत आणि तिरंगी मालिका खेळत आहेत. शादाब खान १४ फेब्रुवारी रोजी लाहोरमध्ये अफगाणिस्तानविरुद्ध संघाचे नेतृत्व करेल, कराचीमध्ये दक्षिण आफ्रिकेविरुद्ध मोहम्मद हुरैरा संघाचे नेतृत्व करेल, तर दुबईमध्ये बांगलादेशविरुद्ध मोहम्मद हरिस हा कर्णधार असेल. १६ फेब्रुवारी रोजी न्यूझीलंड आणि अफगाणिस्तान यांच्यातील सराव सामना कराची येथे खेळला जाईल. (Champions Trophy 2025)

(हेही वाचा – Ind vs Eng, 3rd ODI : वरुण चक्रवर्ती इंग्लंडविरुद्धचा तिसरा एकदिवसीय सामना का खेळला नाही?)

१४ फेब्रुवारी – पाकिस्तान शाहीन संघ विरुद्ध अफगाणिस्तान, गद्दाफी स्टेडिअम, लाहोर.
१६ फेब्रुवारी – न्यूझीलंड विरुद्ध अफगाणिस्तान, नॅशनल स्टेडिअम, कराची.
१७ फेब्रुवारी – पाकिस्तान शाहीन संघ विरुद्ध दक्षिण आफ्रिका, नॅशनल स्टेडिअम, कराची.
१७ फेब्रुवारी – पाकिस्तान शाहीन संघ विरुद्ध बांगलादेश, आयसीसी क्रिकेट अकादमी, दुबई.

हेही पहा –

Join Our WhatsApp Community
Get The Latest News!
Don’t miss our top stories and need-to-know news everyday in your inbox.