ICC T20 Team of 2024 : आयसीसीच्या सर्वोत्तम टी-२० संघात यंदा ४ भारतीय, तर रोहित शर्मा कर्णधार

• ऋजुता लुकतुके

आयसीसीच्या टी-२० सर्वोत्तम संघात यंदा ४ भारतीय खेळाडूंची निवड झाली आहे. आणि संघाचं नेतृत्वही रोहित शर्माकडे सोपवण्यात आलं आहे. जून २०२४ मध्ये भारताने टी-२० विश्वचषक जिंकला होता. आणि त्यानंतर उर्वरित वर्षांत भारतीय संघ अपराजित आहे. या कामगिरीची छाप आयसीसीच्या सर्वोत्तम संघावरही दिसत आहे. आयसीसीच्या २०२४ च्या सर्वोत्तम टी-२० संघात ४ भारतीय तर ऑस्ट्रेलिया, इंग्लंड, श्रीलंका, अफगाणिस्तान, वेस्ट इंडिज, पाकिस्तान आणि झिंबाब्वे संघातील प्रत्येकी एक खेळाडू या संघात आहेत. (ICC T20 Team of 2024)

(हेही वाचा- Shubman Gill : ‘माझ्यावर खूप सारं दडपण आहे,’ असं शुभमन गिल का म्हणाला?)

सलामीला रोहित शर्माच्या साथीने ऑस्ट्रेलियाच्या ट्रेव्हिस हेडची निवड झाली आहे. रोहितने भारताचं यशस्वी नेतृत्व करतानाच टी-२० विश्वचषकात २०० धावाही केल्या होत्या. तर हेडनेही टी-२० विश्वचषकात २५५ धावा जमवल्या होत्या. फील सॉल्टने २०२४ मध्ये टी-२० प्रकारात तीन शतकं ठोकली आहेत. त्या जोरावरच त्याची तिसऱ्या क्रमांकावर निवड झाली आहे. पाकिस्तानचा बाबर आझम आणि वेस्ट इंडिजचा निकोलस पुरण यांनी २०२४ मध्ये सातत्यपूर्ण कामगिरी केली आहे.  (ICC T20 Team of 2024)

Congratulations to the elite players selected for the ICC Men’s T20I Team of the Year 2024 🙌 pic.twitter.com/VaPaV6m1bT

— ICC (@ICC) January 25, 2025

 बाबरने २३ डावांमध्ये ७७० धावा केल्या आहेत. तर निकोलस पुरण टी-२० मधील २०२४ चा सर्वोत्तम फलंदाज ठरला आहे. त्याने २,००० धावा या वर्षात जमवल्या. त्यामुळे या दोघांनी मधल्या फळीत जागा पटकावली आहे. पुरण संघाचा यष्टीरक्षकही असेल. (ICC T20 Team of 2024)

तर हार्दिक पांड्या, रशीद खान आणि सिकंदर रझा हे तिघे अष्टपैलू खेळाडू या संघात आहेत. टी-२० विश्वचषकात हार्दिक पांड्या सर्वोत्तम अष्टपैलू खेळाडू ठरला होता. तर राशीद खानने अफगाणिस्तानला उपान्य फेरीपर्यंत पोहोचवलं. तेज गोलंदाज म्हणून जसप्रीत बुमरा आणि अर्शदीप यांची निवड झाली आहे. बुमराने २०२४ मध्ये टी-२० प्रकारात १५ बळी मिळवले आहेत. तर अर्शदीपने १७ बळी मिळवले आहेत. राशीद खानच्या बरोबरीने श्रीलंकेचा वानिंदू हसरंगा संघातील दुसरा फिरकीपटू ठरला आहे. (ICC T20 Team of 2024)

(हेही वाचा- Pune News : पुणे विभागाच्या मद्यपान तपासणी मोहिमेअंतर्गत तीन एसटी चालकांचे निलंबन)

आयसीसी २०२४ चा सर्वोत्तम टी-२० संघ – रोहित शर्मा (कर्णधार), ट्रेव्हिस हेड, फील सॉल्ट, बाबर आझम, निकोलस पुरण, हार्दिक पांड्या, सिकंदर रझा, राशीद खान, वानिंदू हसरंगा, जसप्रीत बुमरा व अर्शदीप सिंग (ICC T20 Team of 2024)

हेही पहा-