- ऋजुता लुकतुके
मोहालीच्या कडाक्याच्या थंडीत भारतीय संघाने अफगाणिस्तानवर ६ गडी राखून विजय मिळवला. आणि मालिकेतही १-० अशी आघाडी घेतली. पहिल्याच सामन्यात यशस्वी जयसवाल दुखापतीमुळे खेळू शकला नाही. तर विराट कोहलीनेही (Virat Kohli) वैयक्तिक कारणामुळे सुटी घेतली होती. अशावेळी भारतीय फलंदाजीची मदार रोहित, शुभमन, रिंकू सिंग यांच्याबरोबरीने होती ती शिवम दुबे, (Shivam Dube) जितेन शर्मा आणि वॉशिंग्टन सुंदरवर.
रोहित शून्यावर तर शुभमन गिल चांगल्या सुरुवातीनंतर २३ धावांवर बाद झाला. आणि मग विजयासाठी १५९ धावांची गरज असताना युवा फलंदाजांवर जबाबदारी होती ती संघाला सीमेपार नेण्याची. जितेन शर्मा आणि शिवम दुबेनं (Shivam Dube) ही जबाबदारी नीट पार पाडली.
For his unbeaten 60*(40) in the chase, Shivam Dube is adjudged the Player of the Match 👏👏#TeamIndia win the 1st T20I by 6 wickets 👌👌
Scorecard ▶️ https://t.co/BkCq71Zm6G#INDvAFG | @IDFCFIRSTBank | @IamShivamDube pic.twitter.com/mdQYdP8NsQ
— BCCI (@BCCI) January 11, 2024
विराट, श्रेयस आणि राहुल हे ज्येष्ठ खेळाडू नसल्याने शिवमला चौथ्या क्रमांकावर खेळण्याची संधी मिळाली. आणि या संधीचा त्याने फायदा उचलला. ४० चेंडूंत ६० धावा करताना त्याने २ षटकार आणि ५ चौकार लगावले. शिवाय मोक्याच्या क्षणी गोलंदाजीत एक बळीही घेतला.
(हेही वाचा – Bhagwan Das: भारताचा पहिला भारतरत्न पुरस्कारप्राप्त आध्यात्मिक गुरु आणि तत्त्वज्ञ “भगवान दास”)
‘राष्ट्रीय संघासाठी बऱ्याच कालावधीनंतर खेळत होतो. शिवाय, चौथा क्रमांकही आव्हानात्मक असतो. त्याने सुरुवातीला दडपण आलं होतं. पण, सरते शेवटी माझ्या स्टाईलच्या क्रिकेटवर विश्वास ठेवला. आणि कामगिरी फतेह करण्यावर लक्ष केंद्रीत केलं,’ असं शिवम सामना संपल्यानंतर बोलताना म्हणाला.
Acing the chase 😎
Conversations with Captain @ImRo45 👌
Message for a special bunch 🤗Hear from the all-rounder & Player of the Match of the #INDvAFG T20I opener – @IamShivamDube 👌👌 – By @ameyatilak
WATCH 🎥🔽 #TeamIndia | @IDFCFIRSTBank pic.twitter.com/edEH8H3O5f
— BCCI (@BCCI) January 12, 2024
मोहाली सामन्यात पहिली फलंदाजी करताना अफगाणिस्तानने ५ बाद १५८ धावा केल्या त्या मोहम्मद नाबीच्या ४२ धावांच्या जोरावर. मुकेश कुमार आणि अक्षर पटेल यांनी प्रत्येकी २ बळी टिपले. तर शिवम दुबेनंही (Shivam Dube) एक गडी बाद केला. याला उत्तर देताना भारताने १५९ धावा केल्या त्या ४ गडी गमावत. रोहित (०), शुभमन (२३) आणि तिलक वर्मा (२६) धावांवर बाद झाल्यानंतर शिवम दुबे (Shivam Dube) आणि जितेन शर्मा (३१) यांनी चौथ्या गडयासाठी ४५ धावांची भागिदारी केली. अखेर शिवम ६० आणि रिंकू सिंग १६ धावांवर नाबाद राहिले.
हेही पहा –
Join Our WhatsApp Community