Ind vs Afg 2nd T20 : भारत आणि अफगाणिस्तानच्या संघांनी जेव्हा एकाच विमानाने प्रवास केला

• ऋजुता लुकतुके

आयपीएलमुळे देशोदेशीचे खेळाडू एका ड्रेसिंग रुममध्ये राहतात. त्यामुळे दोन संघ एकत्र मालिका खेळत असताना दोन्ही खेळाडूंची एकमेकांशी मैत्री वाखाणण्यासारखी होती. त्यातच मोहाली ते इंदूर असा विमान प्रवास दोन्ही संघांनीच एकत्रच केला. आणि या प्रवासातून खेळाडूंच्या नवीन आठवणीही तयार झाल्या आहेत. (Ind vs Afg 2nd T20)

एकत्र प्रवासाचा एक व्हिडिओ सोशल मीडियावर व्हायरल होतोय. आणि यात भारताचा रिंकू सिंग झोपलेला असताना अफगाणिस्तानचा यष्टीरक्षक रहमनुल्ला गुरबाझ त्याला उठवतो असा एक क्षण आङे. आधी रिंकू सिंग चांगलाच वैतागला. पण, कॅमेरा सुरू आहे आणि ही गंमत आहे हे कळल्यावर रिंकूने फक्त एक हसरा कटाक्ष टाकला. (Ind vs Afg 2nd T20)

The bond between Rahmanullah Gurbaz and Rinku Singh. pic.twitter.com/lPh3QRUSeL

— Mufaddal Vohra (@mufaddal_vohra) January 12, 2024

(हेही वाचा – S. Jaishankar : जागतिक स्तरावर वाढला भारताचा दबदबा; एस. जयशंकर काय म्हणाले…)

काही दिवसांपूर्वी सुर्यकुमार यादव आणि रशिद खान यांच्यातही सोशल मीडियावर एक गप्पांचं सत्र रंगलं होतं. दोघंही दुखापतीमुळे ही मालिका खेळत नाहीएत. भारत आणि अफगाणिस्तान विरुद्धच्या पहिल्या टी-२० सामन्यात ६ गडी राखून विजय मिळवत भारताने मालिकेत १-० अशी आघाडी मिळवली आहे. (Ind vs Afg 2nd T20)

मोहालीतील पहिल्या सामन्यानंतर दुसरा सामना रविवारी १४ तारखेला इंदूरला होणारए. आणि १७ जानेवारीला तिसरा सामना बंगळुरूला होणार आहे. (Ind vs Afg 2nd T20)

हेही पहा –