भारतीय संघाला दुसऱ्या वनडे सामन्यात ऑस्ट्रेलियाकडून पराभव पत्करावा लागला आहे. भारतीय संघाने प्रथम फलंदाजी करताना केवळ ११७ धावा केल्या. यावेळी भारताकडून विराट कोहलीने सर्वाधिक ३१ धावा तर अक्षर पटेल व रविंद्र जाडेजाने अनुक्रमे २९ आणि १६ धावा केल्या. याव्यतिरिक्त कोणालाही चांगली खेळी करता आल्या नाहीत.
मिचेल स्टार्कच्या सर्वाधिक ५ विकेट्स
ऑस्ट्रेलियाचा स्टार गोलंदाज मिचेल स्टार्कने ५३ धावा देत तब्बल ५ विकेट्स घेतल्या आणि अर्ध्या भारतीय संघाला माघारी पाठवले. त्यामुळे ही संपूर्ण मालिका जिंकण्यासाठी भारताला पुढच्या सामन्यात विशेष तयारी करावी लागणार आहे. भारताने दिलेले ११७ धावांचे आव्हान ऑस्ट्रेलियाने एकही विकेट न गमावता सहज पूर्ण केले. या विजयासह ऑस्ट्रेलियाने मालिकेत १-१ अशी बरोबरी केली आहे.
(हेही वाचा लालपरी नव्या रुपात; एसटीच्या ताफ्यात येणार स्लीपर बस)
तिसरा सामना निर्णायक
ऑस्ट्रेलियाकडून स्टार्कने ५ तर सिन अबॉटने ३ आणि नॅतन एलिसने २ विकेट्स घेतल्या. भारताने आजचा सामना जिंकला असता तर मालिकाविजयाची संधी भारताकडे होती परंतु आता दोन्ही संघ मालिकेत १-१ अशा बरोबरीत असून तिसरा सामना निर्णायक असणार आहे.
Join Our WhatsApp Community