-
ऋजुता लुकतुके
भारत विरुद्ध न्यूझीलंड दुसरा कसोटी सामना पाहण्यासाठी पुण्याजवळच्या गहुंजे मैदानावर पहिल्या दिवशी २०,००० च्या वर लोकांनी गर्दी केली होती. पण, क्रिकेटचा आनंद लुटण्यासाठी आलेल्या या चाहत्यांना मूलभूत सुविधाही इथं मिळाल्या नाहीत. पिण्याचं पाणीच वेळेवर मैदानात न पोहोचल्याने प्रेक्षकांना १० मिली पाण्यासाठी ८० रुपये मोजावे लागत होते. या व्यवस्थेला कंटाळून काही प्रेक्षकांनी एमसीएची हूर्यो उडवणाऱ्या काही घोषणाही दिल्या. अखेर महाराष्ट्र क्रिकेट असोसिएशनने दिवसअखेर गैरव्यवस्थेसाठी प्रेक्षकांची माफीही मागितली. (Ind vs NZ, 2nd Test)
(हेही वाचा- कोरोना काळ आठवा, मविआला दंडित करण्यासाठी मतदान करा; Ashish shelar यांचे आवाहन)
गहुंजे मैदानातील प्रेक्षकांची व्यवस्था ही खुली म्हणजे वर छत नसलेली आहे. खूप कमी स्टँडमध्ये वर छप्पर आहे. त्यातच तापमान ३४ अंश सेल्सिअस पर्यंत पोहोचलं होतं. पहिलं सत्र संपल्यानंतर अनेक प्रेक्षक पाण्यासाठी ठेवलेल्या टपऱ्यांवर पोहोचले. या अधिकृत टपऱ्या बंद होत्या. (Ind vs NZ, 2nd Test)
प्रेक्षक चिडल्यावर सुरक्षा रक्षकांनी पाण्याच्या बाटल्या वितरित करायला सुरुवात केली. झालं असं होतं की सुरुवातीला महाराष्ट्र क्रिकेट असोसिएशनच्या मैदानात बांधलेल्या पाण्याच्या टाक्यांमध्ये पाणीच नव्हतं. ते उशिरा आलं. त्यामुळे अखेर प्रेक्षकांना बाटलीबंद पाणी पुरवण्यावाचून आयोजकांना पर्यायच राहिला नाही. पण, आंतरराष्ट्रीय सामना तो ही पाच दिवसांचा असताना पाण्याची मूलभूत सोय महाराष्ट्र क्रिकेट असोसिएशनने का केली नाही हा प्रश्नच आहे. ‘आम्हाला प्रेक्षकांना थंड पाणी पुरवायचं होतं. त्यासाठी आम्ही व्यवस्थाही केली होती. पण, १५ ते २० मिनिटांत पाणी संपलं. कारण, खानपानाच्या सुटीत प्रेक्षकांची संख्या अचानक वाढली. मग आम्ही बाटलीबंद पाणी पुरवून त्यांचा राग शांत करण्याचा प्रयत्न केला,’ असं महाराष्ट्र क्रिकेट असोसिएशनचे सचिव कमलेश पिसाळ यांनी मीडियाशी बोलताना सांगितलं. (Ind vs NZ, 2nd Test)
(हेही वाचा- Justice Sanjiv Khanna: भारताचे ५१ वे सरन्यायाधीश म्हणून संजीव खन्ना ‘या’ तारखेला शपथ घेणार)
पण, सोशल मीडियावर दिवसभर आणि दिवसाचा खेळ संपल्यानंतरही याची चर्चा होतच राहिली.
NO WATER in the MCA Stadium at Pune. That too in the month of October when there’s scorching HEAT.
What’s the point of boasting about stadiums when fans can’t get basic facilities? SHAME! https://t.co/re4GNb7uvF
— Sameer Allana (@HitmanCricket) October 24, 2024
Look at the richest board of cricket who can’t provide basic facilities in the stadium. fans are protesting against not having sufficient drinking water facilities in the MCA stadium. #INDvNZ pic.twitter.com/JmAzzxV5Sn
— Dev Sharma (@SharmaDev90) October 24, 2024
From Pune, which boasts of the worst association for cricket fans…
IND vs NZ: Chaos at MCA stadium due to unavailability of water for spectators – https://t.co/uZ80GCYV31, For the best experience read this on Sportstar App. https://t.co/9wkgGBwAh3
— Vijay Lokapally 🇮🇳 (@vijaylokapally) October 24, 2024
Fans complain to the security personnel about non-availability of water in the washrooms. Huge queue outside the public toilets. @sportstarweb pic.twitter.com/k9Wmgb9S0R
— Shayan Acharya (@ShayanAcharya) October 24, 2024