इंडिया विरुद्ध बांगलादेश यांच्यामध्ये २ टेस्ट सामन्यांच्या सिरिजला सुरुवात झाली आहे. १४ डिसेंबरपासून सुरू झालेल्या टेस्टच्या मॅचच्या दुसऱ्या दिवशी भारताचा संघ ४०४ रन्सवर ऑलआऊट झाला परंतु बांगलादेशने सुद्धा फारशी चांगली फलंदाजी केलेली नाही. दुसऱ्या दिवस अखेर बांगलादेशच्या संघाने ८ बाद केवळ १३३ धावा केल्या आहेत. यावेळी टीम इंडियाचा वेगवान गोलंदाज मोहम्मद सिराज आणि बांगलादेशचा कर्णधार लिटन दास यांच्यामध्ये शाब्दिक बाचाबाची झाली सध्या हा व्हिडिओ सोशल मिडियावर चांगलाच व्हायरल होत आहे.
( हेही वाचा : १६ डिसेंबरला मध्य रेल्वेच्या ‘या’ स्थानकादरम्यान विशेष पॉवर ब्लॉक)
मैदानात भांडण व्हिडिओ व्हायरल…
भारताचा वेगवान गोलंदाज सिराज आणि बांगलादेशचा अनुभवी फलंदाज लिटन दास यांच्या मैदानात भांडण झाल्यावर यात नंतर विराट कोहलीने सुद्धा सहभाग घेतला. या संपूर्ण घटनेचा व्हिडिओ व्हायरल होत आहे. १४ व्या ओव्हरमध्ये लिटन दास फलंदाजी करत होता त्याने पहिला बॉल डिफेंड केला यावेळी सिराज भडकला तेव्हा लिटन दासने कानाच्या मागे हात धरत ऐकू येत नाही असे दाखवले. पुढच्या बॉलवर सिराजच्या बॉलवर लिटन दास क्लिन बोल्ड झाला.
मोहम्मह सिराजने लिटन दासची विकेट काढली. यावेळी विराटही मागे राहिला नाही त्यानेही लिटन दासला ऐकू येत नाही अशी अ‍ॅक्शन करून दाखवली आणि त्याने सिराज सोबत या विकेटचा आनंद साजरा केला. एकंदर सिराजला स्लेज करणं लिटनला चांगलंच महागात पडलं.
Join Our WhatsApp Community— Guess Karo (@KuchNahiUkhada) December 15, 2022