- ऋजुता लुकतुके
शनिवारी झालेल्या मुंबई इंडियन्स आणि कोलकाता नाईट रायडर्स दरम्यानच्या सामन्यानंतर काही फोटो सोशल मीडियावर व्हायरल झाले आहेत आणि त्याची जोरदार चर्चाही सुरू झाली आहे. या फोटोत मुंबईचा माजी कर्णधार रोहित शर्मा (Rohit Sharma) आणि कोलकाता नाईट रायडर्स संघाचा प्रशिक्षक वर्ग हे एकत्र चर्चा करताना दिसत आहेत. रोहितची या हंगामापूर्वी कप्तानपदावरून अचानक हकालपट्टी झाली आणि त्यामुळे पुढील हंगामात तो मुंबई फ्रँचाईजी सोडणार असल्याची चर्चा सगळीकडे रंगली आहे. आणि त्यातच हा फोटो व्हायरल झाला आहे. (IPL 2024 Rohit Sharma)
मुंबई आणि कोलकाता दरम्यानच्या सामन्यात ईडन गार्डन्सवर पावसाचा व्यत्यय आला. त्यामुळे जो ब्रेक खेळाडूंना मिळाला, त्या दरम्यान ही चर्चा रंगल्याचं दिसतंय. विशेष म्हणजे रोहित (Rohit Sharma) स्वत: कोलकाता संघाच्या ड्रेसिंग रुममध्ये गेला होता आणि तिथे तो कोलकाता संघाचा सपोर्ट स्टाफ अभिषेक नायर, भरत अरुण आणि मनोज पांडे व के भरत या खेळाडूंशीही बोलताना दिसला. फ्रँचाईझीने हार्दिक पांड्याकडे कप्तानी सोपवल्यापासून रोहित नाराज असल्याचं बोललं जात आहे. शिवाय संघाच्या कामगिरीवरही अचानक घेतलेल्या या निर्णयाचा परिणाम दिसून आला. संघात दोन तट पडल्याचंही बोललं गेलं. त्यातच आता हे फोटो व्हायरल झाले आहेत. (IPL 2024 Rohit Sharma)
Rohit Sharma having a long chat with KKR players and support staff. pic.twitter.com/wU4VMPHS3p
— Mufaddal Vohra (@mufaddal_vohra) May 11, 2024
(हेही वाचा – CBSE Result 2024: CBSE दहावी, बारावीचा निकाल लागला ; ८७.९८ टक्के विद्यार्थी पास; येथे पाहा निकाल)
या सामन्यापूर्वीच अभिषेक नायर आणि रोहित शर्मा (Rohit Sharma) यांच्यातील एक क्लिप व्हायरल झाली होती. दोघंही मुंबईकडून रणजी क्रिकेट एकत्र खेळले आहेत आणि सामन्यादरम्यान गप्पा मारताना रोहित अभिषेकला ‘पुढील वर्षी मी कुठे असेन माहीत नाही,’ असं म्हणताना दिसतो. त्यामुळे खूप उलटसुलट चर्चा सुरू झाल्यावर कोलकाता फ्रँचाईजीने तो व्हिडिओ आपल्या हँडलवरून काढून टाकला. (IPL 2024 Rohit Sharma)
शनिवारी कोलकाताने मुंबईचा १८ धावांनी पराभव केला. या विजयानंतर कोलकाता संघाने दिमाखात बाद फेरीत प्रवेश केला आहे. तर मुंबईचं आव्हान त्या आधीच संपुष्टात आलं होतं. (IPL 2024 Rohit Sharma)
हेही पहा –
Join Our WhatsApp Community