IPL 2024 Schedule : आयपीएलच्या २०२४ च्या हंगामाचं संपूर्ण वेळापत्रक; सामने कुठे, कधी होणार?

• ऋजुता लुकतुके

आयपीएलचं (IPL) दुसऱ्या टप्प्यातील वेळापत्रक अखेर जाहीर झालं आहे. आणि आता संपूर्ण ७४ सामने कुठे, कधी आणि किती वाजता भरणार हे चित्र स्पष्ट झालं आहे. सगळ्यात महत्त्वाचं म्हणजे अख्खी स्पर्धा भारतातच होणार आहे. आणि स्पर्धेची अंतिम फेरी २६ मे ला चेन्नईत होणार आहे. बाद फेरीचे प्रत्येकी दोन सामने अहमदाबाद आणि चेन्नईतच होतील. (IPL 2024 Schedule)

१९ एप्रिल ते ५ जून या कालावधीत देशात सार्वत्रिक निवडणुकांसाठी मतदान आणि मनमोजणी होणार आहे. आणि मतदान हे सात टप्प्यांमध्ये होणार आहे. मतदान आणि प्रचारसभा असतील अशा ठिकाणी बीसीसीआयला (BCCI) त्या कालावधीत सामने भरवता येणार नाहीत. कारण, तिथे सुरक्षा व्यवस्थेवर ताण येऊ शकतो. त्यामुळे जिथे मतदान, प्रचार नाही अशा ठिकाणी त्या त्या वेळेत स्पर्धा भरवण्याचं आव्हान बीसीसीआयवर होतं. त्यामुळे वेळापत्रक बनवण्याचं काम जिकिरीचं झालं होतं. (IPL 2024 Schedule)

(हेही वाचा – Navneet Rana : अमरावतीसाठी भाजपाचा प्लान बी तयार; नव्या उमेदवारांची चाचपणी सुरु)

पण, आता वेळापत्रक जाहीर झालं आहे. साखळी स्पर्धा पार पडल्यानंतर क्वालिफायर १ आणि एलिमिनेटर या दोन बाद फेऱ्या अहमदाबादला होतील. तर क्वालिफायर २ आणि अंतिम फेरीचा सामना चेन्नईत होणार आहे. गतविजेत्या संघाच्या घरच्या मैदानावर पहिला आणि अंतिम सामना व्हावा ही परंपरा बीसीसीआयने पाळली आहे. (IPL 2024 Schedule)

The wait is finally over! 😍

Here’s the complete TATA #IPL2024 schedule! Mark your calendars 📅 and don’t miss out on the non-stop cricket excitement 🔥

Tune-in to #IPLOnStar, LIVE, Only on Star Sports pic.twitter.com/9XopOFs6ir

— Star Sports (@StarSportsIndia) March 25, 2024

यापूर्वी बीसीसीआयने या हंगामातील पहिल्या २२ सामन्यांचंच वेळापत्रक जाहीर केलं होतं. २२ मार्चला स्पर्धा सुरूही झाली आहे. आता दुसऱ्या टप्प्यात दिल्ली कॅपिटल्सचा संघ आपले उर्वरित पाच घरचे सामने दिल्लीच्या अरुण जेटली क्रिकेट मैदानात खेळेल. या आधीचे दोन सामने हा संघ विशाखापट्टणमच्या मैदानावर खेळला होता. तर पंजाब किंग्ज संघ उर्वरित घरचे सामने धरमशाला इथं खेळणार आहे. राजस्थान रॉयल्सचा संघ आपले दोन सामने गुवाहाटीत खेळणार आहे. (IPL 2024 Schedule)

आयपीएलच्या सतराव्या हंगामाचं संपूर्ण वेळापत्रक पाहूया, 

हेही पहा –