IPL 2025, Sanju Samson : संजू सॅमसन राजस्थान रॉयल्सचा कर्णधार म्हणून परतणार

• ऋजुता लुकतुके

राजस्थान रॉयल्सचा नियमित कर्णधार संजू सॅमसनला अखेर बीसीसीआयच्या क्रिकेट अकादमीतील वैद्यकीय तज्ञांनी पूर्णवेळ यष्टीरक्षणाची परवानगी दिली आहे. त्यामुळे राजस्थान रॉयल्सच्या पुढील सामन्यात तो कर्णधार म्हणूनही वापसी करेल. त्यासाठी सॅमसन गेले काही दिवस बंगळुरूत होता. संजू सॅमसनच्या उजव्या बोटाचं हाड मोडलं होतं. त्यानंतर दुखापतीतून तो आता सावरला असला तरी तो अजून यष्टीरक्षण करत नाहीए. राजस्थान रॉयल्सच्या पहिल्या तीन सामन्यांमध्ये सॅमसन फक्त फलंदाज म्हणून खेळला. संघाचं नेतृत्वही रियान परागने केलं आणि ध्रुव जुरेलने यष्टीरक्षण केलं. पण, आता संजू सॅमसनला तंदुरुस्तीचं प्रमाणपत्र मिळालं आहे. (IPL 2025, Sanju Samson)

क्रिकेट अकादमीतील डॉक्टरांनी संजू सॅमसनच्या दुखऱ्या बोटाची तपासणी केली. त्यानंतर पूर्ण सामना खेळण्याची परवानगी त्याला मिळाली आहे. त्यानंतर आता तो राजस्थान संघात परतणार असून तो पूर्णवेळ सामना खेळू शकेल. आतापर्यंतच्या ३ सामन्यांत तो फलंदाजीच्या वेळी इम्पॅक्ट खेळाडू म्हणून मैदानात उतरत होता. (IPL 2025, Sanju Samson)

(हेही वाचा – Muzaffarnagar मधील मुस्लिम कुटुंबातील १० जणांची हिंदू धर्मांत घरवापसी)

Sanju Samson (C) & (WK) ✅💗 pic.twitter.com/LNPQb1X0uC

— Rajasthan Royals (@rajasthanroyals) April 2, 2025

पहिल्या तीन सामन्यांत त्याने सनरायझर्स हैद्राबाद विरुद्ध ६६, कोलकाता नाईट रायडर्स विरुद्ध १३ आणि चेन्नई सुपर किंग्जविरुद्ध २० धावा केल्या आहेत. आता उर्वरित सामन्यांमध्ये तो राजस्थान रॉयल्सचा कर्णधारही असेल. (IPL 2025, Sanju Samson)

राजस्थान रॉयल्सनी आतापर्यंत खेळलेल्या ३ सामन्यांत पहिले दोन सामने गमावले आहेत. शेवटचा चेन्नई सुपर किंग्जविरुद्धचा सामना जिंकला आहे. राजस्थानचा संघ इथून पुढे दोन सामने प्रतिस्पर्ध्यांच्या मैदानांवर खेळणार आहे. ५ एप्रिलला त्यांचा मुकाबला पंजाब किंग्ज इलेव्हनशी पंजाबमध्ये होणार आहे. तर ८ एप्रिलला अहमदाबाद इथं गुजरात टायटन्सशी त्यांनी गाठ पडणार आहे. गुणतालिकेत हा संघ सध्या दोन गुणांसह नवव्या स्थानावर आहे. (IPL 2025, Sanju Samson)

हेही पहा –