- ऋजुता लुकतुके
मागच्या आठवड्यात शुक्रवारची रात्र ही जेक पॉल विरुद्ध माईक टायसन या मुष्टियुद्धातील हेवीवेट लढतीची रात्र होती. अमेरिकेत डॅलस इथं झालेल्या या लढतीसाठी ७३,००० प्रेक्षक मैदानात हा मुकाबला बघण्यासाठी आले होते. माईक टायसन हेवीवेट गटातील एकेकाळचा नावाजलेला आणि कदाचित सगळ्यात लोकप्रिय मुष्टीयोद्धा. तर जेक पॉल युटयूब इन्फ्लुएन्सर आणि अलीकडे हेवीवेट गटाकडे वळलेला. त्यानेच माईक टायसनला या लढतीचं आव्हान दिलं होतं. (Jake Paul vs Mike Tyson Bout)
(हेही वाचा – Air India: ऐकावं ते नवल! ड्युटी संपली म्हणुन International flight Jaipur मध्ये सोडून पायलट गेले निघून)
जगभरात अनेक चाहत्यांचं या लढतीकडे लक्ष होतं. २७ वर्षीय आव्हानवीर जेक पॉल ५८ वर्षांच्या माईक टायसनशी झुंजला. आणि ८ फेऱ्यांची ही लढत त्याने एकही फेरी न गमावता जिंकली. मैदानावर या लढतीची तिकीटं हातोहात खपली. शिवाय लढतीचं थेट प्रक्षेपण करणाऱ्या नेटफ्लिक्सनेही प्रेक्षकांचे दिलेले आकडे उत्साह वाढवणारे आहेत. शुक्रवार मध्यरात्री झालेला हा मुकाबला ६० दशलक्ष लोकांनी नेटफ्लिक्सवर थेट पाहिला, असं वाहिनीने म्हटलं आहे. तर लढतीत एका क्षणाला ६५ दशलक्ष लोक एकत्र हा मुकाबला बघत होते. (Jake Paul vs Mike Tyson Bout)
(हेही वाचा – Anil Deshmukh यांनी राजकीय स्टंट केला, असे नेटकरी का म्हणाले?)
त्याचवेळी आयर्लंडची केटी टेलर आणि पोर्टो रिकोची अमांडा सेरेनो या महिला लाईटवेट गटातील मुकाबलाही ५० दशलक्ष लोकांनी पाहिल्याचं नेटफ्लिक्सने म्हटलं आहे. महिला मुष्टियुद्ध लढतीचा हा नवीन विक्रम असल्याचा दावा वाहिनीने केला आहे. तर टायसन आणि पॉल यांच्यातील मुकाबलाही अमेरिकेतील प्रेक्षक संख्येचा विक्रम मोडणाराच असेल असा दावा नेटफ्लिक्सने केला आहे. पण, या मुकाबल्याच्या थेट प्रक्षेपणात तांत्रिक अडथळे आल्याची तक्रारही काहींनी केली आहे. अशा अडथळ्यांची नोंद ठेवणारी डाऊनडिटेक्टर या वेबसाईटच्या म्हणण्यानुसार, ९०,००० लोकांनी थेट प्रक्षेपण पाहू शकत नसल्याच्या तक्रारी केल्या होत्या. (Jake Paul vs Mike Tyson Bout)
हेही पहा –
Join Our WhatsApp Community