भारताचा माजी कर्णधार महेंद्रसिंह धोनी त्याच्या खेळाबरोबरच त्याचा साधेपणा आणि स्पष्टोक्तीपणासाठी ओळखला जातो. धोनी काही मोजक्याच वेळी व्यक्त होतो. आता त्याने आपल्या इंस्टाग्राम अकाऊंटवर तब्बल दोन वर्षांनी एक व्हिडीओ पोस्ट केला आहे. हा व्हिडीओ जोरदार चर्चेत आहे. यावर भारतीय क्रिकेटर रविंद्र जडेजाने मजेशीर कमेंट केली आहे.
रविंद्र जडेजाने महेंद्रसिंह धोनीच्या इंस्टाग्राम पोस्टवर कमेंट करत धोनी चालवत असलेल्या ट्रॅक्टरला नंबर प्लेटच नसल्याचे म्हटले आहे. जडेजा म्हणाला की, ट्रॅक्टरला नंबर प्लेटच नाही, त्याची ही कमेंट अनेक युजर्सना आवडली आहे. ही कमेंट 18 हजारांहून अधिक लोकांनी लाईक केली. तसेच, 700 हून अधिक लोकांनी यावर प्रतिक्रिया दिल्या. अनेकांनी तर धोनी आणि जडेजा यांच्या मैत्रीचे कौतुकही केले.
( हेही वाचा: पाकिस्तानी क्रिकेटपटूवर २ वर्षांची बंदी! भ्रष्टाचार प्रकरणामुळे केली कारवाई )
धोनीची पोस्ट काय?
या व्हिडीओत महेंद्रसिंह धोनी ट्रॅक्टर चालवताना दिसत आहे. धोनीने स्वत: ट्रॅक्टर चालवत शेत नांगरणी केली. तसेच, रोटा हिटरने नांगरलेल्या शेतीची मशागतही केली. धोनीने व्हिडीओ शेअर करताना कॅप्शनमध्ये लिहिले आहे की, काहीतरी नवीन शिकून आनंद झाला, पण काम पू्र्ण व्हायला वेळ लागला.
View this post on Instagram