- ऋजुता लुकतुके
१८ वर्षीय भारतीय बुद्धिबळपटू रमेशबाबू प्रग्यानंदाने बुद्धिबळातील एकेक शिखर सर करणं सुरूच ठेवलं आहे. टाटा स्टील बुद्धिबळ स्पर्धेत आधी त्याने विश्वविजेत्या डिंग लिरेनला काळ्या मोहऱ्यांनी हरवलं. आणि हे करतानाच त्याने बुद्धिबळाच्या क्रमवारीत विश्वनाथन आनंदलाही मागे टाकण्याची किमया केली. त्यामुळे प्रग्यानंदा आता आनंदच्याही वर बुद्धिबळातील अव्वल भारतीय झाला आहे. (Praggnanandhaa)
डिंग बरोबरचा सामना संपल्यानंतर प्रग्यानंदानेच या निकालाबद्दल आश्चर्य व्यक्त केलं आहे. ‘मी हा सामना पटकन बरोबरीत सोडवेन असं मला वाटलं होतं. पण, अचानक लिरेनसाठी गोष्टी कठीण होत गेल्या. मी त्याचं एक जास्तीचं प्यादं मारलं तोपर्यंत सामना बरोबरीत सुटेल, असंच मला वाटलं होतं,’ असं सामन्यानंतर प्रग्यानंदा म्हणाला. (Praggnanandhaa)
(हेही वाचा – Ind vs Afg 3rd T20 : बंगळुरूमध्ये भारतीय डावाच्या शेवटच्या षटकांत निघाल्या विक्रमी ३६ धावा )
With defeating the World Champion Ding Liren, Praggnanandhaa is now the India no.1 chess player in live ratings! Praggnanandhaa has a rating of 2748.3 now, surpassing the 5-time World Champion Vishy Anand rated 2748.
It’s also interesting to note that @rpraggnachess defeated… pic.twitter.com/8cgMvafpPh
— ChessBase India (@ChessbaseIndia) January 16, 2024
प्रग्यानंदाने वयाच्या पाचव्या वर्षापासून बुद्धिबळ खेळायला सुरुवात केली. आणि वयाच्या बाराव्या वर्षीच ग्रँडमास्टर किताब मिळवला होता. आता सीनिअर गटातही प्रग्यानंदा अव्वल कामगिरी करत आहे. त्याची बहीण वैशालीही ग्रँडमास्टर आहे. आणि दोघं ग्रँडमास्टर किताब मिळवणारे पहिले बहीण-भाऊ आहेत. आज विश्वविजेत्याला नमवण्याची कामगिरी केल्यावर प्रग्यानंदवर कौतुकाचा वर्षाव होतोय. (Praggnanandhaa)
Big cheers to @rpraggnachess for this remarkable triumph against World Champion, Ding Liren. At the young age of 18, you haven’t just dominated the game but also risen to become India’s top-rated player.
Best wishes for your upcoming challenges. Continue to bring glory to India… pic.twitter.com/W7NAqSYnDX— Sachin Tendulkar (@sachin_rt) January 17, 2024
टाटा स्टील बुद्धिबळ स्पर्धेत आता भारतीय ग्रँडमास्टर अनिश गिरी एकटा आघाडीवर आहे. आपल्या शेवटच्या सामन्यात भारताच्याच डी गुकेशवर मात करून त्याने आघाडी घेतली आहे. आतापर्यंतच्या ४ सामन्यातींल ३ त्याने जिंकले आहेत. तर एक बरोबरीत सोडवला आहे. प्रग्यानंदा ३ बरोबरी आणि एका विजयासह तिसऱ्या स्थानावर आहे. (Praggnanandhaa)
हेही पहा –
Join Our WhatsApp Community