- ऋजुता लुकतुके
रुद्रांक्ष पाटील (Rudrankksh Patil) आणि मेहुली घोष (Mehuli Ghosh) या भारताच्या जोडीने १० मीटर एअर रायफलच्या मिश्र दुहेरी स्पर्धेत भारताला सुवर्ण जिंकून दिलं. आशियाई ऑलिम्पिक पात्रता स्पर्धेतील यंदाचं भारताचं हे सहावं सुवर्ण ठरलं. चीनच्या शेन युफान आणि झू मिंगशुई या जोडीचा दोघांनी १६-१० असा पराभव केला. स्पर्धेच्या दुसऱ्या दिवस अखेर भारताच्या खात्यात १० पदकांची भर पडली आहे. तर दोघांनी ऑलिम्पिक पात्रताही मिळवली आहे. (Shooting Asian Qualifiers)
भारताला ६ सुवर्ण, २ रौप्य आणि २ कांस्य पदकं मिळाली आहेत. त्यावरून भारताचं या स्पर्धेतील वर्चस्व दिसून येतं. (Shooting Asian Qualifiers)
The pair of @RudrankkshP & @GhoshMehuli has given India their 5th gold🥇 of the #AsianOlympicQualification event in Jakarta 🇮🇩 clinching the 10m Air Rifle Mixed Team with a 16-10 win over China’s Shen Yufan & Zhu Mingshuai in the final. 🔥🔥🔥@SumaShirur#IndianShooting pic.twitter.com/uWkyjtJA8l
— NRAI (@OfficialNRAI) January 9, 2024
रुद्रांक्ष (Rudrankksh Patil) आणि मेहुली (Mehuli Ghosh) प्राथमिक फेरीत दुसरे होते. दोघांचे मिळून ६३१.३ गुण झाले होते. तर युफान आणि मिंगशुई जोडीचे ६३२.३ इतके गुण होते. पण, अंतिम फेरीत भारतीय जोडीने चायनीज जोडीला मागे टाकलं. आणि अंतिम फरकही ६ गुणांचा म्हणजे तगडा होता. (Shooting Asian Qualifiers)
(हेही वाचा – Kia Sonet 2024 : किया सोनेट फेसलिफ्टचं भारतात बुकिंग सुरू)
१० मीटर एअर पिस्तुल प्रकारात मात्र भारताच्या अर्जुन चिमा आणि रिदम सांगवान या जोडीला चांगल्या सुरुवातीनंतरही रौप्य पदकावर समाधान मानावं लागलं. अंतिम फेरीत दोघांचा ११-१७ असा पराभव झाला. (Shooting Asian Qualifiers)
The pair of Arjun Cheema (left) & Rhythm Sangwan win silver 🥈 in the 10m air pistol mixed team, finishing behind Vietnam at the #AsianOlympicQualification event in Jakarta 🇮🇩🔥🔥🇮🇳🇮🇳#IndianShooting pic.twitter.com/op14cfLt74
— NRAI (@OfficialNRAI) January 9, 2024
व्हिएतनामच्या थू विम थिम आणि क्वांग हू फाम या जोडीने प्राथमिक फेरीत मागे पडूनही अंतिम फेरीत हे अंतर भरून काढलं आणि भारतीय जोडीवर मात केली. प्राथमिक फेरीत भारतीय जोडीकडे ५८२ गुण होते. तर व्हिएतनामी जोडीकडे होते ५८० गुण. पण, अंतिम फेरीत सुरुवातीलाच झालेल्या चुकांमुळे आधी भारतीय जोडी ५-१५ अशी मागे पडली होती. पण, पुढच्या ३ फेऱ्यांमध्ये भारतीय जोडीने हा फरक थोडाफार भरुन काढला. आणि अखेर ११-१७ असा त्यांचा पराभव झाला. (Shooting Asian Qualifiers)
हेही पहा –
Join Our WhatsApp Community