Virat Kohli : विश्वचषकातील भारतीय पराभवानंतर खचलेल्या विराट कोहलीचा व्हीडिओ होतोय व्हायरल 

ऋजुता लुकतुके

ऑक्टोबर – नोव्हेंबर महिन्यात भारतात झालेल्या एकदिवसीय विश्वचषक स्पर्धेत साखळी सामन्यांमध्ये भारतीय संघ अपराजित होता. पण, नेमका संघाने स्पर्धेत एकमेव सामना गमावला तो अंतिम फेरीचा. त्यामुळे भारतीय संघाचं विजेतेपदाचं स्वप्न भंगलं. आणि त्याचं दु:ख खेळाडूंच्या चेहऱ्यावर तेव्हा दिसतही होतं.

महम्मद सिराजने तर पंतप्रधान नरेंद्र मोदींच्या खांद्यावर डोकं ठेवून अश्रूंना वाट मोकळी करून दिली होती.

(हेही वाचा-Ind W vs Aus W ODI Series : भारतीय महिलांना ऑस्ट्रेलियाकडून ०-३ असा व्हाईटवॉश )

त्यानंतर आता विराट कोहलीचा एका जुना व्हीडिओ सोशल मीडियावर व्हायरल होत आहे. ऑस्ट्रेलियन संघाने शेवटची धाव घेतल्यानंतरची कोहलीची पहिली प्रतिक्रिया या व्हीडिओत दिसते. ऑस्ट्रेलियन खेळाडू मैदानावर जमून जल्लोष करत असताना कोहलीने नेमकं काय केलं असा हा व्हीडिओ आहे. आणि दीड महिन्यांनंतर तो व्हायरल होतोय.

UNSEEN VIDEO OF KOHLI 💔 pic.twitter.com/o4ZkZhf3zh

— cricket videos (@RizwanStum60450) January 1, 2024

कोहली हताशपणे यष्ट्यांपाशी जातो. आणि आपल्या टोपीने त्या उडवतो, असं या व्हीडिओत दिसत आहे. त्याचा चेहरा यावेळी बरंच काही सांगून जातो. खुद्द कोहलीने या विश्वचषक स्पर्धेत ३ शतकं आणि ६ अर्धशतकांसह ७६५ धावा केल्या. उपान्त्य फेरीच्या सामन्यात न्यूझीलंड विरुद्ध त्याने विक्रमी ५०वं शतकही पूर्ण केलं.

एका विश्वचषक स्पर्धेत सर्वाधिक धावांचा विक्रमही त्याने केला. आणि या स्पर्धेत तो मालिकावीरही ठरला होता. अंतिम फेरीत मात्र त्याला आणि संघाला पराभव पत्करावा लागला.

हेही पहा-